ಕೊಳಕು ಸ್ವಭಾವ

ಕೊಳಕು ಸ್ವಭಾವ

ನಾ ಹೇಳಲಿರುವ ಕೊಳಕು ಎಲ್ಲೆಲ್ಲಿ ಇಲ್ಲ

ಇಲ್ಲದಿರುವ ಕೊಳಕ ನಾ ಹೇಳುತಿಲ್ಲ

ದೇಹದೊಳ ಹೊರಗಿನ ಕೊಳಕು ಇದಲ್ಲ

ಕೊಳಕು ನಡವಳಿಕೆಯ ಜನ ತಿಳಿಯರೆಲ್ಲಾ

ಕಿವಿಯ ಮೂಗಿನ ಅಂಟು ತೆಗೆದು ಜಗಿದವರುಂಟು

ತಿಕ್ಕಿ ಉದುರಿಸಿದವರುಂಟು ಮೈಗೆ ಅಂಟಿದ ಅಂಟು

ಬಿಟ್ಟ ಬಾಯಿಂದ ಬೆರಳ ತೆಗೆದವರೂ ಉಂಟು

ಅವರಿಗೀ ಪದಗಳ ಸಾಲು ಪುಟ್ಟ ಜ್ಞಾನದ ಗಂಟು

ನಸುಕಲೆದ್ದರೆ ಬಿಡದೆ ತುರಿಸುವ ಬಗಲು

ಹರಿದು ಹೋಗದೆ ನಿಸದೇ ತೊಗಲು

ತಕಡಿದಷ್ಟು ಪರಿಯಲಿ ತುರಿಸುವ ಬದಲು

ಶುದ್ಧವಿದ್ದರೆ ಸಾಕು ತುರಿಯು ನಿಲಲು

ಎಲ್ಲರಲ್ಲಿ ಕಡ್ಡಿ ಇಡುವ ಈ ಕಾಲದಲ್ಲಿ

ಬಿಡದೆ ಹಲ್ಲಿನಲಿ ಮತ್ತೆ ಕಿವಿಯಲ್ಲಿ

ಶುದ್ದಿಸಿದರಾಗದೇ ಹಲ್ಲ ಊಟದ ಕೊನೆಯಲ್ಲಿ

ಮತ್ತೆ ಕಿವಿಯನ್ನು ಸ್ನಾನದ ವೇಳೆಯಲಿ.

ಮೂಗಲ್ಲಿ ಬೆರಳಾಡಿಸಿ ಕೆಲರು ಹಿತಪಡುವ ರೀತಿ

ಅದರ ಉತ್ಪನ್ನವ ಜಗಿದರವರಿಗದೆ ಪ್ರೀತಿ

ಉಗುರಿ ನೊಂದಿಗೆ ಬೆರಳ ಕಚ್ಚಿದರೆ ಭೀತಿ

ಇದ ಬಿಡದ ಜಾಣರಿಗೆ ಕಾಣದು ಪ್ರಗತಿ.

ಹೀಗೆ ಹಲವರ ಕೆಲ ತನಗಳು ಕೊಳಕು

ಹೊರನೋಟದಲಿ ಕಾಣುವುದು ಥಳುಕು

ಗಮನ ವಿಟ್ಟರೆ ನೋಡುವೀ ಕೊಳಕ ತುಣುಕು

ತಿದ್ದಿಕೊಂಡರೆ ಕೊನೆಗಾದರೂ ಕಾಣುವರವರು ಬೆಳಕು

(ಡಿಸೆಂಬರ್ ೧೯೮೫)

Comments

ಆರೋಗ್ಯ ಕವಚ

ಮನುಷ್ಯ ತಾನು ಸುಖವಾಗಿರಲು ದುಡಿಯುತ್ತಾನೆ. ಹಣ ಕೂಡಿಡುತ್ತಾನೆ. ಆಸ್ತಿ ಗಳಿಸುತ್ತಾನೆ. ತಾನು ಮತ್ತು ತನ್ನ ಪ್ರೀತಿಯ ಕುಟುಂಬವನ್ನು ಸುಖವಾಗಿಡುವ ಕನಸುಗಳು ಸದಾ ನಡೆಯುತ್ತಲೇ ಇರುತ್ತವೆ. ಈ ಕನಸಿನ ಮಾರ್ಗದಲ್ಲಿ ಆಕಸ್ಮಿಕವಾಗಿ ಅವನ ದೇಹಕ್ಕೆ ದೊಡ್ಡ ಅನಾರೋಗ್ಯವೇನಾದರೂ ಎದುರಾದರೆ ಬಹಳ ಕಷ್ಟವಾಗುತ್ತದೆ. ಸುಧಾರಿಸಿಕೊಳ್ಳಲು ಸಾಧ್ಯವಾಗದಂತೆ ಗಳಿಸಿದ್ದೆಲ್ಲವೂ ನೀರಿನಂತೆ ಕರಗಿ ಹೋಗುತ್ತದೆ. ಇದರಿಂದ ಜೀವನದಲ್ಲಿ ಹಾಕಿಕೊಂಡ ಗುರಿಯನ್ನು ಸಾಧಿಸಲಾಗುವುದಿಲ್ಲ. ಇಂತಹ ಪರಿಸ್ಥಿತಿಯನ್ನು ಆರ್ಥಿಕವಾಗಿ ಸಮರ್ಥವಾಗಿ ಎದುರಿಸಲು ಬೇಕಾಗಿರುವುದು ಆರೋಗ್ಯ ವಿಮೆ. ಇದನ್ನು ಹೆಲ್ತ್ ಇನ್ಶುರೆನ್ಸ್ ( Heath Insurance) ಅಥವಾ ಮೆಡಿಕಲ್ ಇನ್ಸೂರೆನ್ಸ್ (Medical Insurance) ಎಂದೂ ಹೇಳಲಾಗುತ್ತದೆ. ಇದು ಆರೋಗ್ಯ ರಕ್ಷಣೆಗಾಗಿ ಎಂದೇ ಪಡೆದರೂ ಮುಂದಿನ ನಮ್ಮ ಜೀವನಕ್ಕಾಗಿ, ಪರೋಕ್ಷವಾಗಿ ಕೂಡಿಟ್ಟಿರುವ ಆಸ್ತಿಯನ್ನು ರಕ್ಷಣೆ ಮಾಡುತ್ತದೆ. ಈ ಬಗ್ಗೆ ತಿಳಿದುಕೊಳ್ಳಬೇಕಾದ ವಿಷಯಗಳು ಬಹಳ ಅನಿವಾರ್ಯ. ಇವೆಲ್ಲವನ್ನೂ ಸವಿಸ್ತಾರವಾಗಿ ತಿಳಿಸಿ ಹೇಳುವ ಪ್ರಯತ್ನವೇ ಈ ಲೇಖನ. ಆರೋಗ್ಯ ವಿಮೆ ಎಂದರೇನು? ನಾವು ಸದಾ ಆರೋಗ್ಯದಿಂದ ಇರಬೇಕೆಂದು ಬಯಸುವೆವಾದರೂ "ಮನುಷ್ಯ ಎಂದಮೇಲೆ ಏನಾದರೂ ಕಾಯಿಲೆ ಇದ್ದೇ ಇರುತ್ತದೆ" ಎಂಬಂತೆ ಹಲವು ಸಾರಿ ತಲೆನೋವು, ಜ್ವರ, ನೆಗಡಿ ಮೈ ಕೈ ನೋವು ಎಂದು ನರಳುತ್ತೇವೆ. ಚಿಕೂನ್ ಗುನ್ಯಾ, ಡೆಂಗ್ಯೂ, ಕೊರೋನಾ ಇತ್ಯಾದಿ ಕಾಯಿಲೆಗಳ...

ರಾಘಣ್ಣನ ಎಸ್ಟೇಟ್

ದುಡಿಮೆ ತಂದುಕೊಡುವ ವೃತ್ತಿಗೆ ಹೊಂದಿಕೊಳ್ಳುವವರೇ ಹೆಚ್ಚು. ಪ್ರವೃತ್ತಿಯಾಗಿ ಕೆಲವರಿಗೆ ಕೃಷಿ, ಸಂಗೀತ, ನೃತ್ಯ ಕಲೆ ಇತ್ಯಾದಿ ಹೀಗೆ ಹಲವು ಹವ್ಯಾಸ ಇರುವುದಾದರೂ ಅದರಿಂದ ಜೀವನ ನಡೆಸಲು ಸಾಕಾದಷ್ಟು ದುಡಿಯಲು ಅಸಾಧ್ಯವಾದುದರಿಂದ ಅದನ್ನು ಆರಿಸಿಕೊಳ್ಳಲು ಅವಕಾಶವಾಗಿರುವುದಿಲ್ಲ. ಕೆಲವರಿಗೆ ಅದು ಸದಾ ಕಾಡುತ್ತಿದ್ದರೆ, ಮತ್ತೆ ಕೆಲವರಿಗೆ ಅವಕಾಶ ಕಂಡಾಗ ಪ್ರವೃತ್ತಿಯ ಆಸೆ ಭುಗಿಲೇಳುತ್ತದೆ. ಅಗತ್ಯವೆನಿಸಿ ಅದನ್ನೂ ನಿಭಾಯಿಸಬಲ್ಲೆ ಎನಿಸಿದರೆ ಅದನ್ನು ಮಾಡಲು ಹಿಂಜರಿಯುವುದಿಲ್ಲ. ಹಾಗೆ ವೃತ್ತಿ ಹಾಗೂ ಪ್ರವೃತ್ತಿಗಳನ್ನು ಏಕ ಕಾಲದಲ್ಲಿ ನಿಭಾಯಿಸಿದವರ ಕಥೆಗಳಲ್ಲಿ ಮಿತ್ರರೊಬ್ಬರ ಅನುಭವವೇ ಈ ಲೇಖನ. ರಾಘಣ್ಣ ಇಂಜಿನಿಯರಿಂಗ್ ನಲ್ಲಿ ಮಾಸ್ಟರ್ ಪದವೀಧರ. ದೊಡ್ಡ ಸಂಸ್ಥೆಯಲ್ಲಿ ಕೆಲಸ. ಸದಾ ಹೊಸತನ್ನು ಮಾಡುವ ಚಪಲ. ಕಾರ್ಯ ನಿಮಿತ್ತ ಊರಿಂದ ಊರಿಗೆ ಹೋಗುವಾಗ ಹಾದಿ ಪಕ್ಕದ ತೋಟ ಗದ್ದೆಗಳನ್ನು ನೋಡಿ ಖುಷಿ ಪಡುವನು, ರೈತ ಮಧ್ಯಾಹ್ನದ ವೇಳೆ ಊಟ ಮಾಡಿದ್ದನ್ನು ನೋಡಿದಾಗ ಎಷ್ಟು ಸುಖವಾಗಿ ನೆಮ್ಮದಿಯಿಂದ ಇದ್ದಾನೆ ಎಂದು, ಆ ರೈತನ ಜಾಗದಲ್ಲಿ ತಾನು ಇದ್ದಂತೆ, ತನಗೆ ಹೆಂಡತಿ ಮುದ್ದೆ ಊಟ ತಂದು ಕೊಟ್ಟಂತೆ ಕನಸು ಕಾಣುತ್ತಿದ್ದ. ಸುಗ್ಗಿಯ ವೇಳೆ ಮಾರಾಟವಾದ ಧವಸ-ದಾನ್ಯಗಳ ದರ, ಅವುಗಳಿಗೆ ಮಾರುಕಟ್ಟೆಯಲ್ಲಿ ಇರುವ ಬೇಡಿಕೆ ಕಂಡಾಗ ರೈತರ ಜೀವನದ ಮುಂದೆ ಬೇರೇನೂ ಇಲ್ಲ ಎಂದು ಎನಿಸುತ್ತಿತ್ತು. ಆಗ ತಾನು ರೈತ ಆಗಬೇಕು ಎಂಬ ಸುಪ್ತ ಆಸೆ ಚಿಗುರುತ್ತಿತ್ತು. ಮದುವೆ ಮ...

ಕಗ್ಗಳ್ಳಿಯ ಮಳೆರಾತ್ರಿ

ಇತ್ತೀಚಿನ ದಶಕಗಳಲ್ಲಿ ವಿಶ್ವದ ವಿದ್ಯಾಮಾನಗಳು ಅಂದು ಕೊಂಡಿರುವುದಕ್ಕಿಂತ ಹೆಚ್ಚಿನ ವೇಗದಲ್ಲಿ ನಡೆಯುತ್ತಿದೆ ಎನಿಸುತ್ತದೆ. ಇಂತಹಾ ವೇಗವನ್ನು ಗಮನಿಸಿದಾಗ ನಡೆದ ಘಟನೆಗಳು ತಮಾಷೆ ಎಂದು ಕಂಡರೂ ಮನಸ್ಸಿನ ನೆಮ್ಮದಿಯನ್ನು ಕೆಡಿಸಿದ ಪ್ರಸಂಗಗಳು ಕಾಣಸಿಗುತ್ತವೆ. ಪ್ರತಿಯೊಂದನ್ನೂ ದೇಶ ಕಾಲಮಾನಕ್ಕೆ ಹೋಲಿಸಿ ಗಮನ ಸೆಳೆದ ವಾಸ್ತವ ಘಟನೆಯೇ ಈ ಕಥೆಗೆ ಆಧಾರವಾಗಿದೆ. ಕಳೆದ ದಶಕದ ಮೊದಲ ದಿನಗಳು. ಮಳೆಗಾಲದ ಒಂದು ಸಂಜೆ. ಮನೆಯ ಮುಂದಿನ ಕಟ್ಟೆಯ ಮೇಲೆ ಕುಳಿತ ಕಮಲಳ ಮನಸ್ಸಿನಲ್ಲಿ ಏನೋ ಯೋಚನೆ. ವಾರದಿಂದ ಬರುತ್ತಿದ್ದ ಮಳೆ ಇಂದೇಕೋ ಹೊಳವು ಕೊಟ್ಟಿದೆ. ಮೇಯಲು ಹೋದ ಜಾನುವಾರುಗಳು ಮನೆಗೆ ಬರುವ ಸಮಯ. ಹತ್ತಿರದಲ್ಲಿ ಏನಾದರೂ ಅವು ಬರುವುದು ಕಾಣುತ್ತದೆಯೇ ಎಂದು ಹೋಗಿ ನೋಡೋಣ ಎಂದರೆ ಎಲ್ಲೆಲ್ಲೂ ಕಿಚಿ ಕಿಚಿ ಎನ್ನುವ ಕೆಸರು ನೆಲ. ಜಾರಿ ಬೀಳದಂತೆ ನಡೆಯಲು ಅಂಗಳದಲ್ಲಿ ಹಾಕಿದ ಅಡಿಕೆ ಮರದ ಹಲಗೆಯ ತುಂಡುಗಳು. ಬೇಡವೆಂದರೂ ಕೆಸರಿನಲ್ಲಿ ಆಡುವ ಮಕ್ಕಳು. ತಲೆ ಮೈ ಕೈ ನೆನೆಸಿಕೊಂಡು ಬಂದು ಆರೋಗ್ಯ ಕೆಡಿಸಿಕೊಳ್ಳುವರೇನೋ ಎಂಬ ಭಯ. ಪದೇ ಪದೇ ಒದ್ದೆಯಾಗುವ ಬಟ್ಟೆಗಳು. ಮೊನ್ನೆ ಒಣಗಲು ಹಾಕಿದ ಬಟ್ಟೆಗಳೇ ಒಣಗಿಲ್ಲ. ಮಲೆನಾಡಿನ ಮಳೆಗಾಲ ಎಂದರೆ ಇವೆಲ್ಲ ಸಾಮಾನ್ಯವೇ. ಎಲ್ಲೆಲ್ಲೂ ನೀರು. ನೋಡಿದಲ್ಲೆಲ್ಲಾ ಹಸಿರು. ತರಕಾರಿ, ಹೂವುಗಳು ಯಥೇಚ್ಛವಾಗಿ ಬೆಳೆಸಬಹುದು, ಬೇಕಾದಾಗ ಹತ್ತಿರದಲ್ಲೇ ಜಲಪಾತಕ್ಕೆ ಹೋಗಬಹುದು. ಆದರೆ ಪುರುಸೊತ್ತು ಬೇಕಲ್ಲವೇ? ಯಾವಾಗೋ ಒಂದು ಸಾರಿ ಜ...

ಅಂತರ್ಜಲ